«Яңа ел традицияләре буйлап экспедиция» танып белү сәгате (6+)

Яңа ел – ул әкияти бәйрәм, барлык балаларның яраткан бәйрәме. Аны, әкияткә һәм могҗизага ышанып, түземсезләнеп көтеп алалар. Яңа ел якынлашканда, 19 декабрьдә 16 нчы санлы китапханә хезмәткәрләре башлангыч сыйныф укучылары өчен «Яңа ел традицияләре буйлап экспедиция» дигән танып белү сәгате уздырды.

Чара барышында анда катнашучылар Дед Морозның шәхси эше, аның туганнары: Кыш Бабай, Йоллупукки, Пэр Ноэль, Юлниссаар, Дед Микулаш, Увлин Увгун, Кербобо, Чысхаан, Санта Клаус, сеңлесе Бефана белән танышты һәм төрле илләрдә Яңа елны ничек каршылаулары турында белде. Балалар Дед Мороз һәм Кыш Бабай резиденцияләре буйлап виртуаль экскурсияләр кылды һәм, хат язар һәм җибәрер өчен, бу резиденцияләрнең адресларын белде. Балалар бик теләп яңа ел җырлары җырлады, карлы табышмакларны чиште, яңа ел санагычларын ятлады, «Чыршыга нәрсә эленгән» уены уйнады, А. Герасимовның «Подарок для самых требовательных» гыйбрәтле әкиятен һәм А. Усачевның «Не перебивай» дигән күңелле шигырен тыңлады. Малайларга һәм кызларга танылган «В лесу родилась елочка» җырының барлыкка килү тарихын ишетү бик кызыклы булды, шулай ук алар Снегурочканың әти-әнисе кем булуы һәм Кар Кызының Кыш Бабайның кызы булуы турында белде, әмма балаларга аеруча чыршыны үз кулларың белән ничек бизәргә мөмкин булуы турындагы мәгълүмат ошады. Очрашу яңа ел кәефе тудырды һәм барлык катнашучыларның йөрәкләрен могҗизага ышаныч хисе белән тутырды.