«Җир йөзен кошлардан башка күзалдына китерү мөмкин түгел» танып-белү сәгате (6+)

Ел саен, 1 апрельдә Халыкара кошлар көне билгеләп үтелә – ул иң мөһим экологик бәйрәмнәрнең берсе. Дөньяның дистәләгән илләреннән төрле өлкә белгечләре бу көнне экосистемада кошларның әһәмиятенә һәм аларның Җир планетасына йогынты ясавына игътибарны җәлеп итәргә омтыла. 
Укырга, рәсем ясарга, кул эшләре белән шөгыльләнергә яратучылар клубында очрашу әлеге бәйрәмгә багышланды. 13 нче санлы китапханә хезмәткәре табигать өчен кошларның кирәк булуы, әһәмияте, аларның орлыкларны таратуда һәм бөҗәкләрне контрольдә тотуда мөһим эш башкаруы турында сөйләде. 

Балалар иң борынгы кошларның нинди булуы турында белде, мөһим кош отрядлары һәм аларның вәкилләре турында мәгълүматны тыңлады, кош тавышларын тыңлады. Укучылар китапханәченең Кытайда чыпчыкларны күпләп ату һәм аның нәтиҗәләре турында сөйләгәнне зур кызыксыну белән тыңлады. Бу компания нәтиҗәдә массакүләм ачлык китереп чыгара һәм күп илләрнең экология дәреслекләренә кеше тарафыннан экологик балансны бозу мисалы буларак кертелә. 
Кошлар турында алган белемнәрен балалар «Кош белгечләре» дигән викторина сорауларына җавап биреп ныгыта алды.