«Безнең заман геройлары» патриотлык сәгате (12+)

Ватан Геройлары көне – Россиядә ел саен 9 декабрьдә билгеләп үтелүче истәлекле көн. Һәр чорның үз геройлары – үз Ватаннарын батырларча саклап көрәшкән, үз илләренең тарихына зур өлеш керткән кешеләре бар. 11 декабрьдә 16 нчы санлы китапханә җиденче сыйныф укучылары өчен әлеге көнгә багышланган «Безнең заман геройлары» дигән патриотлык сәгате үткәрде. Чараның беренче өлешендә балалар «герой», «батырлык», «ватан», «туган ил», «Россия», «патриот» төшенчәләренә аңлатма бирде, геройның нинди сыйфатларга ия булырга тиешлеге турында әйтте, «Һәркем герой була аламы?» соравына актив җавап бирде.