Тукай белән бер көн (0+)

26 апрель көнне шәһәр үзәк китапханәсендә бөек татар шагыйренең 135 еллыгына һәм Татарстанда Туган телләр һәм халыклар бердәмлеге елына багышланган «Тукай белән бер көн» үтте. 

Әлеге көн татар язучысы Габдулла Тукай әкиятләре мотивлары буенча курчак спектакленнән башланды. Яшь тамашачылар «Шүрәле», «Кәҗә белән сарык», «Су анасы» әкиятләреннән өзекләр карады. «Кызыклы шәкерт» һәм «Бала белән күбәләк» шигырьләре тәкъдим ителде. Балалар әкият геройларын ярата, аларга ышана һәм әлеге ышанычны һәм мәхәббәтне әкият дөньясыннан чынбарлыкка күчерә.  
«Тукайга багышлана» дигән шигъри нон-стоп вакытында туры эфирда Instagramда шагыйрьнең тормыш юлыннан кызыклы фактлар, шулай ук Чаллы шәһәре мәктәпләре укучылары башкаруында шигырьләр, әкият һәм поэмалардан өзекләр яңгырады. 1 нче, 10 нчы мәктәпләр, 64 нче прогимназия балалары сәнгатьле итеп шигырьләр укып кына калмады, ә костюмнар әзерләп, әсәрләрне сәхнәләштереп тә күрсәтте. Нон-стопта барлык тамашачылар катнаша алды, мәсәлән, эфирда кунак буларак Лениногорск туган якны өйрәнү музее хезмәткәре чыгыш ясады. 
Китапханәдә беренче тапкыр бөек татар шагыйре Габдулла Тукайның тууына 135 ел тулуга багышланган алдан әзерләнмичә кычкырып уку буенча онлайн Чемпионат үтте. Чемпионат шартлары буенча, катнашучылар Габдулла Тукайның «Печән базары, яхуд Яңа Кисекбаш» китабыннан тәкъдим ителгән өзекне татар һәм рус телләрендә билгеле бер вакытка һәм әзерлексез кычкырып укыды. Чемпионат Zoom платформасында онлайн узды. Составында Татарстанның атказанган мәдәният хезмәткәрләре, язучылар һәм китапханә хезмәткәрләре булган жюри текстны укуны техникасы, сәнгатьлелеге ягыннан бәяләде.

IMG_9255

IMG_9253

IMG_9264

Сәнгать бүлегендә Габдулла Тукайның «Су анасы» исемле танылган әсәре мотивлары буенча иҗади мастер-класс үтте. Балалар, су буенда басмада чәчен тарап утыручы төп герой образын сурәтләп, бик матур иллюстрация тудырды. Иҗат итү барышында әкият, аның милли темасы буенча фикер алыштылар. 

IMG_20210426_142548

IMG_20210426_140627

IMG_20210426_144612 (640×480)

Габдулла Тукай көненең дәвамы итеп шәһәр үзәк китапханәсе мәйданында «Тукай шигырьләре телемдә» исемле шигъри марафон уздырылды. Китапханә хезмәткәрләре илһамланып шигырьләр укыды, Г. Тукай тормышыннан кызыклы фактлар турында сөйләде һәм чарага килүчеләргә шагыйрьнең яраткан әсәрләрен искә төшерергә һәм укып бирергә тәкъдим итте.