«Китап укыйбыз, могҗизага ышанабыз» балалар һәм яшүсмерләр китабы атналыгы (6+)

28 марттан алып 5 апрельгә кадәр безнең илдә гадәттәгечә Балалар һәм яшүсмерләр китабы атналыгы уза. Бу онытылмас һәм мавыктыргыч вакыйга балалар һәм яшүсмерләр арасында укуны популярлаштыруга юнәлдерелгән. 
6 нчы санлы китапханәдә иң яшь укучылар – беренче сыйныф укучылары өчен – «Китап киштәләре серләре» дигән мавыктыргыч экскурсияләр узды. Балалар китапларны ничек дөрес кулланырга, «формуляр» һәм «Китап хастаханәсе»нең нәрсә аңлатуы һәм киштәдә үзең эзли торган әкиятне ничек табарга икәнлеген белде. Балкыган күзләр һәм сорауларның күплеге – беренче сыйныфлылар белән очрашуларыбызның төп нәтиҗәсе. 
Өлкәнрәк балалар, 6-7 нче сыйныф укучылары «Китап серләре эзтабары» дигән чын сәяхәткә юл тотты. Командаларга бүленеп, катнашучылар маҗарлар эзләүчеләргә әверелде. Алар табылган хатларның шифрларын чиште, яшерелгән томнарны тапты, чын тапкырлыкларын күрсәтеп, яраткан китаплар мотивлары буенча башваткычлар чиште.

Балалар китабы атналыгында без чын сәламәтлек бәйрәме уздырдык, анда балаларны көчле, җитез һәм бәхетле булырга өйрәттек. Зарарлы гадәтләр турында сөйләшү, спорт һәм сәламәт тормыш рәвеше турында мәкаль-әйтемнәр, элементар физик күнегүләр комплексы, мотивацион видеороликны карау, спорт һәм танылган спортчылар турында викториналар катнашучыларга сәламәт тормыш рәвешенең әһәмиятен аңларга ярдәм итте һәм аларны уңай якка үзгәрешләргә рухландырды. 
Өлкән сыйныфлылар өчен Россиядә халыклар бердәмлеге елына багышланган «Бер ил — йөзләгән тавышлар!» этноквесты узды. Бу «Россиянең тәмнәр картасы», «Халыклар табышмаклары», «Музыкаль тартмачык», «Барысына да бер билге», «Идел буе мозаикасы», «Бию каруселе» станцияләре буенча катнашучылар каршында Россия халыкларының күпкырлылыгын ачып салган мавыктыргыч сәяхәт булды. 
Узган атнаның төп нәтиҗәсе – балалар янәдән үзләре өчен уку шатлыгын ачу булды. Без балаларның янып торган күзләрен күрдек, җанлы фикер алышуларын ишеттек һәм китапның һәрвакыт яхшы дус һәм белемнәр дөньясына озата баручы булуына инандык.