Фрэнк Гербертның «Дюна» романында фән һәм технологияләр (18+)

Елның соңгы аенда «Прометей» фәнни-популяр әдәбияты клубы яшьләре матур әдәбиятка мөрәҗәгать итәргә булды. Фикер алышу өчен алар фантастика жанрында иң танылган язучыларның берсе – Фрэнк Гербертны сайлады.

«Дюна» – кайчан да булса язылганнар арасында иң мөһим һәм зур тәэсир калдыручы фәнни-фантастик романдыр. Бу бик катлаулы һәм киң күләмле тарих, анда сәясәт тә, дин дә, үзара дошман булган затлы йортлар да, мәхәббәт һәм хыянәт тә бар. Китап дөньяда иң күп сатылучы фәнни-фантастик роман булып кала бирә, аның тәэсире бик зур; «Дюна»ның концепциясе бар җирдә, мисал өчен, «Звёздные войны» сагасында. Шулай ук «Игра престолов» — китапның фантастик версияләренең берсе дип тә әйтергә була.  
Фикер алышу вакытында әсәрнең күп кенә аспектларына кагылдылар, шулай да романда тәкъдим ителгән фән һәм технология сорауларына аерым игътибар бирелде.