«Чиксез иҗат»: икенчел материалдан кул эшләнмәсе ясау буенча мастер-класс (6+)

24 ноябрь көнне 23 нче санлы китапханәдә, «Эко стилендә тормыш» программасы кысаларында, «Чиксез иҗат» мастер-классы үтте.

Чара башында китапханәче кәгазь, пластик савытларны, бер тапкыр гына кулланыла торган савыт-саба һ.б.ларны икенчел куллану әйләнә-тирә мохиткә нинди файда китерүе турында әңгәмә үткәрде.  Шулай ук кайчы, чыбык һәм җилем белән эш вакытында куркынычсызлык техникасын искә төшерде. 
Өлкәннәр ярдәмендә балалар йомырка савытларыннан гадәти булмаган һәм матур чәчәкләр ясады. Яшь китап сөючеләр өчен электрон презентация әзерләнгән иде, анда икенчел материалны куллануның башка мөмкинлекләре күрсәтелде. Балалар исә үзләре тудырган матурлыкка сокланды һәм әниләренә үзенчәлекле бүләк ясавы белән канәгать калды.