Республика көненә китапханәчеләр әдәби-музыкаль сәгать уздырды (18+)

Республика көне якынлашканда шәһәр үзәк китапханәсе хезмәткәрләре ветераннар пансионатында ял итүчеләр өчен  «Туган ягыңны ярат һәм бел» дип аталган әдәби-музыкаль чара оештырды.
Китапханәчеләр башкаруында биюләр башкарылды, җырлар һәм якташ шагыйрьләрнең шигырьләре яңгырады. Программада «Энергетик» мәдәният сараеның «Замана» ансамбле солистлары катнашты.  

«Татарстан – минем туган ягым» күргәзмәсе чараның мәгълүмати өлеше булды. Ул республика һәм Чаллы каласының тарихы һәм хәзерге көндәге үсеше турында бай материал тәкъдим итте.