«Гүзәл Яхина китаплары дөньясы»: әдәби кичә (18+)

31 март көнне 5 нче санлы китапханәдә «Татарстан Республикасының хатын-кыз исемнәре: тарих һәм хәзерге заман» дигән төбәк мәгълүмат проекты кысаларында укучылар өчен «Гүзәл Яхина китаплары дөньясы» дигән әдәби кичә үтте.

Гүзәл Яхина – Россия әдәбиятының хәзерге заман тарихында иң танылган дебютантларның берсе, «Зур китап» һәм «Ясная Поляна» премияләре лауреаты, «Зөләйха күзләрен ача», «Балаларым минем» һәм «Сәмәркандка эшелон» әсәрләре авторы. Кичәдә катнашучылар аның иҗат юлы белән танышты, автор тормышындагы кызыклы фактларны белде. 2019 елда уңышлы гына экранлаштырылган «Зөләйха күзләрен ача» китабына тулырак тукталдылар. Нәкъ менә ул россия язучысына танылу алып килде. Күрсәтелгән мультимедиалы презентация укучыларга Лаеш районында фильм төшерелгән урыннарда булырга ярдәм итте, анда тарихи Семкук авылы булган, хәзер ул туристик комплекс буларак эшли. Кичә кунаклары Динә Гарипова башкаруында «Ай, былбылым» һәм Эльмира Кәлимуллинаның «Өмет йолдызы» башкаруында сериалда яңгыраган көйләрне тыңладылар һәм төшерелгән фильмнан өзекләр карадылар.