«Шигырьләрнең көмеш кыллары…» әдәби салоны (18+)

13 нче санлы китапханәдә укучылар һәм микрорайонда яшәүчеләр өчен Николай Рубцов иҗаты буенча, аның тууына 90 ел тулуга багышланган чара оештырылды. 
Николай Рубцов рус әдәбиятында «тыныч лирика» вәкиле буларак мөһим роль уйный. Китапханәче чарада катнашучыларны «Рус Төньягы шагыйре»нең биографиясеннән кызыклы фактлар, шулай ук әдәби иҗатның онытылмас әсәрләре белән таныштырды. 

Очрашу барышында моңлы шигырьләр һәм шагыйрь сүзләренә язылган җырлар яңгырады: «В горнице моей светло», «Памяти матери», «Россия, Русь», «Звезда полей», «Букет», «Журавли», «В минуты музыки печальной» һ.б. Шагыйрь шигырьләренә җырларны төрле елларда Пелагея, А. Барыкин һ.б. җырчылар башкарды. Чарада катнашучылар бик теләп «Букет» («Я буду долго гнать велосипед. В глухих лугах его остановлю…») һәм «Зорька алая» җырларын җырлады, шулай ук сораулар бирде, шагыйрьнең үзләре яраткан шигырьләрен укыды һәм китапханәче сөйләгәннәрне  Рубцов иҗаты турында үз белемнәре белән тулыландырды. Шагыйрьнең тормышы һәм иҗаты турында презентация, «Тихая моя родина» шигыренең автор башкаруында аудиоязмасы чараны тулыландырды.