«Могҗизалар була» әдәби күзәтү (6+)

Яңа ел бәйрәмнәре һәм кышкы каникуллар алдыннан 17 нче санлы китапханәнең яшь укучылары яңа ел алды чорының әкияти атмосферасына кереп чумды. Алар өчен бәйрәмнәр, кышкы табигать, карлы күңел ачулар турында иң яхшы балалар китапларына мавыктыргыч күзәтү узды. 
Балаларның игътибарын аеруча Е.Ермолованың күптөрле кышкы күңел ачулар турында «Весёлая зима» китабы үзенә җәлеп итте. Укучылар алып баручының сәнгатьле укуын тыңлады, аннан соң укыганнар буенча җанлы аралашуда актив катнашты. 

Шулай ук шигырьләре кышкы күңел ачулар һәм уеннарга багышланган М. Мигунова шигърияте белән таныштылар. Аның шигырьләре балаларга суык ел вакытының гүзәллеген тирәнрәк тоярга мөмкинлек бирде.  
Очрашу «Классный журнал»ның кышкы бер санында тәкъдим ителгән гадәти булмаган биюле уен белән тәмамланды.