«Мәсәлченең шаян хәйләкәрлеге» әдәби сәфәр (6+)

13 февраль көнне шәһәр үзәк китапханәсе хезмәткәрләре башлангыч сыйныф укучылары өчен «Мәсәлченең шаян хәйләкәрлеге» дигән әдәби сәфәр уздырды.
Чара И. Крыловның балачагы турында сөйләүдән башланды. Балалар аның гаиләсе, малайның ничек белем алуы һәм кыска вакытлы балачагы турында белде. Укучылар мәсәлченең иҗаты буенча викторинада актив катнашты. Анда «Сорау – җавап», «Игъланнар тактасы», «Юлны дәвам ит», «Кем шулай әйткән?» кебек биремнәр булды. Соңгы биремдә төп геройлар Төлке, Бүре, Маймыл һәм кешеләр булган мәсәлләрне атарга кирәк булды. 

Чара азагында балалар «Мәсәлче һәм акыл иясе» дигән күргәзмә белән танышты.