«Андерсен әкиятләре йолдызлыгы» әдәби сәгате (0+)

2 апрельдә Халыкара балалар китабы көне билгеләп үтелә, ул 1967 елда булдырыла һәм Даниянең бөек әкиятчесе Ганс Христиан Андерсенның туган көненә багышлана. Бәйрәм кысаларында 1 нче санлы мәгълүмати-китапханә үзәгендә «Андерсен әкиятләре йолдызлыгы» дигән әдәби сәгать узды, анда балалар язучының тормышы һәм иҗаты белән танышты. Презентациядән язучының туган ягы – Оденсе турында белделәр, әкиятчегә һәм аның геройларына куелган һәйкәлләрне күрделәр, шулай ук аның бөтен дөньяга танылган «Дюймовочка», «Снежная королева», «Русалочка» әкиятләрен искә төшерделәр.

Балалар «Андерсен һәм аның геройлары» уен-викторинасында, «Телеграмма кемнән?», «Тасвирлама буенча геройны таны», «Пазлларны җый» бәйгеләрендә актив катнашты. Чара азагында бик теләп «Снежная королева» мультфильмыннан өзекне карадылар һәм теләге булганнар өйләрендә уку өчен әкият китаплары алдылар.