«Гайдар бүген дә сафта» әдәби сәгате (6+)

28 ноябрьдә 11 нче санлы китапханәдә кече мәктәп яшендәге балалар өчен «Гайдар бүген дә сафта» дигән әдәби сәгать узды. Баплалар кызыксынып Аркадий Гайдарның гадәти булмаган тормышы, шул исәптән аның тәхәллүсенең килеп чыгышы турында белде. Аеруча аларны язучының яшүсмер вакытта ук Беренче дөнья сугышы фронтына омтылуы һәм, үзенең бик яшь булуына карамастан, анда эләгә алуы турында факт тәэсирләндерде. Чарада катнашучылар Бөек Ватан сугышына үзе теләп киткән Аркадий Гайдарның 36 яшендә геройларча һәлак булуы турында тарихны тыңлап тетрәнде. Китапханәче язучының үз китапларында балаларда мәңгелек кыйммәтләрне: яхшылык, бурыч хисе, намуслылык, вөҗданлыкны, шулай ук Ватанга мәхәббәт тәрбияләве турында сөйләде. 

Балалар шулай ук «Тимур и его команда», «Военная тайна» һәм «Школа» кебек танылган әсәрләренең туу тарихы турында белде. Китапханәче сөйләгәннәрдән кала, балалар үзләре дә укыган китапларыннан алган кичерешләре белән актив уртаклашты, энтузиазм белән үзләренә ошаган мизгелләрне сөйләде һәм геройлар турында фикер алышты. «А. Гайдар әсәрләрен таны» интерактив викторинасы балаларга үз белемнәрен күрсәтү өчен бик яхшы мөмкинлек булды. Чара мәктәп укучыларына язучы тормышы турында бик күп яңа һәм кызыклы нәрсәләр белергә, шулай ук аның әсәрләре буенча фильмнардан өзекләрне күрергә мөмкинлек бирде. Очрашу азагында катнашучыларга Гайдар китаплары тәкъдим ителде. Очрашу файдалы мәгълүматларга бай булды һәм балаларда уңай кичерешләр һәм патриотлык хисе калдырды. Яшь укучылар Аркадий Гайдар иҗаты элеккечә актуаль, чөнки ул иң мөһим тормыш принципларына: игелеккә, тугрылыкка, дуслыкка һәм гаделлеккә өйрәтә дигән нәтиҗәгә килде.