«Ленинград батырлыгына багышлана…» хәтернең әдәби меридианнары (6+)

19 гыйнвардан алып 28 гыйнварга кадәр 11 нче санлы китапханә хезмәткәрләре 4 нче сыйныф укучылары өчен «Ленинград батырлыгына багышлана…» дигән хәтернең әдәби меридианнары чарасы уздырды.
Авыр блокада көннәренең героик елъязмасы яңгырады. Балалар, тын да алмыйча, өлкәннәр белән бер сафта станок артында эшләгән, йорт түбәләрендә кизү торган, янучы бомбаларны сүндергән, һәм шул ук вакытта бернигә карамыйча укыган яшьтәшләре турында сөйләгәнне тыңлады. Блокададагыларның ипи нормасы, шул вакытларда ипи карточкаларының нәрсә аңлатуы турында сөйләгәннәр зур тәэсирләр калдырды. Балалар кешеләргә яшәргә һәм ачтан үлмәскә ярдәм иткән «Тормыш юлы» турында белде.  

Яшь тыңлаучылар кечкенә кыз Таня Савичева язмышы, аның Бөек Ватан сугышының бер символына әйләнгән көндәлеге турында ишетеп тетрәнде. Балалар, үзләрендә шул дәһшәтле вакыйгалар авырлыгын тоеп, ерак үткәннәргә күчкәндәй булды. Катнашучылар игътибарына «Блокаданың 900 көне» дигән китап күргәзмәсе тәкъдим ителде. Ленинградны саклаучылар, блокададагы шәһәр халкының батырлыгы нәфис һәм мемуар әдәбиятта якты эз калдырды. 
«Ленинград блокадасы балалар күзлегеннән» фильмы тәкъдим ителде. Шаһитлар хатирәләрендә блокададагыларның кеше яши алмаслык шартларда: ачлык, суык, көнкүреш, кан, үлем арасында яшәве, шулай да аларның нык торуы турында фактлар бирелә. Очрашу бер минутлык тынлык белән тәмамланды.