«Михалковны кем белми? Михалков барыбызга да таныш!»: әдәби шоу (6+)

27, 28 һәм 29 март көннәрендә 10 нчы санлы китапханә балаларны танылган шагыйрь С. Михалков иҗатына багышланган очрашуга чакырды. 

Китапханәче яшь китап сөючеләргә күренекле балалар язучысы һәм шагыйренең тормыш юлы һәм иҗаты турында сөйләде. Аның чыгышында биография фактлары шагыйрьнең шигырьләре белән үрелеп барды, ә электрон презентация балаларны аның шәхси архивыннан фотолар белән таныштырды. 
Чараның икенче өлешендә шигырьләр дә укылды, бәйгеләр, уеннар һәм викториналар да уздырылды.  
Чара «Дядя Степа – милиционер» мультфильмын карау белән тәмамланды.