«Маршак планетасы» әдәби сәяхәте (6+)

23 октябрьдә 10 нчы санлы китапханә мәктәп укучыларын «С. Я. Маршак шигърияте көне» XIII Халыкара акциясе кысаларында С.Я. Маршак иҗаты буенча әдәби сәяхәткә чакырды. Акцияне оештыручы – Воронеж өлкә балалар китапханәсе.
Чараның кереш өлешендә балалар язучы С. Я. Маршак тормышы һәм иҗаты белән танышты. Шуннан соң китапханәче белән бергә Маршакның «Разноцветная книга», «Кот и лодыри», «Сказка о глупом мышонке», «Вот какой рассеянный», «Старуха, дверь закрой!» кебек онытылмас, матур балалар шигырьләрен искә төшерделәр.

Шулай ук балалар шагыйрьнең төсле рәсемле электрон презентация рәвешендә тәкъдим ителгән табышмакларын чиште; өзекләр буенча Маршак әсәрләрен таныды; экранда иллюстрацияләр буенча әкиятләрне танып белде.
Интеллектуаль биремнәрдән соң барысы да ял итте һәм С. Я. Маршак шигыренә язылган «Шли куда попало» дигән күңелле балалар җырын тыңлады.