«Китап умартасы яки бал корты Майя белән гадәти булмаган сәяхәт» әдәби-күңел ачу программасы (6+)

Мәктәп яны лагеренда ял итүче балалар өчен Шәһәр үзәк китапханәсе хезмәткәрләре «Китап умартасы яки бал корты Майя белән гадәти булмаган сәяхәт» дигән әдәби-күңел ачу программасы уздырды.

Майя һәм чикерткә малае Кузя белән бергә балалар дус-тату итеп чәчәкләр турында табышмаклар чиште. «Бал корты», «Төз атучы», «Туп белән эстафета» дигән хәрәкәтчән уеннар да бик кызыклы һәм мавыктыргыч узды. Балалар флешмоб биеде, «Хайваннар дөньясында» викторинасы сорауларына җавап бирде, ә чара азагында Кузя һәм Майя белән «В траве сидел кузнечик» җырын бик теләп җырлады. Сәяхәт бик мавыктыргыч һәм файдалы булды.