Шәһәр көненә багышланган әдәби-музыкаль кичә (18+)
9
Август 2022
Сишәмбе
Хезмәт ветераннары өчен пансионатта ял итүчеләр һәм шәһәр Үзәк китапханәсе хезмәткәрләренең Чаллы каласы көненә багышланган әдәби-музыкаль очрашуы бик ямьле һәм күңелле узды. Чаллы сәнгать көллияте укытучысы, пианист Зилә Ардаширова башкаруында Гершвин һәм Бабаджанян әсәрләре яңгырады. Людмила Васильевна Ваганова үзе язган шигырьләрен укыды. Гүзәл Блинова һәм Наталья Будина башкаруында китапханәнең даими укучысы Анатолий Леонидович Леднев шигырьләренә иҗат ителгән җырның премьерасы яңгырады. Ял итүчеләр шәһәребез тарихына багышланган викторинада катнашты. «Gold Star» балалар бию студиясе солисты Настя Иванова «Урман әкияте» биюе белән чараны тагын да ямьләндерде. Очрашу гитара уйнавы астында бергәләп романслар җырлау белән тәмамланды. |