«Язгы кәеф» әдәби-музыкаль композиция (18+)

26 март көнне шәһәр үзәк китапханәсе хезмәткәрләре «Ветеран» пансионатында ял итүчеләр өчен язга багышланган «Язгы кәеф» дигән әдәби-музыкаль композиция уздырды.  

Очрашуда Эдуард Асадов, Фёдор Тютчев, Афанасий Фет, Сергей Есениннарның яз һәм мәхәббәт турында шигырьләре яңгырады. Наталья Будина «Весеннее танго», «Весна идёт!» дигән танылган яраткан җырларны башкарды, ә тыңлаучылар чын күңелдән кушылып җырлады.  
Ял итүчеләр өчен тарихи биюләр буенча мастер-класс үткәрелде, шуннан соң катнашучылар XIX  гасырның «Триоле» биюен биеде.