«Үзең белән әкиятләр кәрҗинен ал» әдәби-уен программасы (6+)

27 октябрьдә 5 нче санлы китапханәдә балалар өчен «Үзең белән әкиятләр кәрҗинен ал» дигән әдәби-уен программасы узды. Яшь укучылар яраткан әсәрләре битләре буйлап сәяхәт кылды. Программа бай һәм файдалы булды. Балалар әкиятләр дөньясы белән кызыксынуларын, тирән белемнәрен һәм сюжетлар, персонажларны яхшы белүләрен күрсәтте. Китапханәче тылсым атмосферасы тудырырга һәм балаларны үзләрен күрсәтә алырлык интерактив маҗарага җәлеп итәргә тырышты. 

«Әкиятне җый һәм сөйлә» бәйгесендә балалар, парлап эшләп, иллюстрацияләрне дөрес тәртиптә тезде, аннан соң энтузиазм белән, үз детальләрен өстәп һәм танылган тарихларга үзенчәлек кертеп, сюжетны сөйләде. Физминут интеллектуаль биремнәр арасында тәнәфес булды. Төрле әкият геройларын тасвирлаучы күңелле хәрәкәтләр бик күп уңай тәэсирләр тудырды һәм балаларга ял итәргә һәм күңел ачарга мөмкинлек булдырды. «Парын тап», «Әйбере буенча ата» бәйгеләрендә яшь укучылар тапкырлык һәм зирәклекләрен күрсәтте, бер авырлыксыз геройларны һәм әкият исемнәрен атады. Китапханәдә узган бу көн, балалар йөрәкләрендә яраткан әкиятләре белән очрашудан җылы хисләр һәм шатлык-куанычлар калдырып, чын бәйрәмгә әйләнде.