«Әкияти карусель» әдәби викторина (6+)

14 ноябрьдә 16 нчы санлы китапханә хезмәткәрләре башлангыч сыйныф укучылары өчен «Әкияти карусель» дигән әдәби викторина уздырды. Балалар бик теләп яраткан әкиятләре буйлап сәяхәткә юл тотты, анда яраткан геройлары белән очрашты. Укучылар, «Әкиятчекләр һәм әкиятләр турында» интерактив уены сорауларына җавап биреп, халык һәм автор әкиятләрен яхшы белүләрен күрсәтте. 

Аерым бүлек А.С. Пушкин әсәрләренә багышланды, аның нәтиҗәләре буенча балаларның бөек рус язучысының әкиятләрен дә яхшы белүләре ачыкланды. Кызлар һәм малайлар бик теләп «Әкиятне искә төшер», «Тиз җавап бир», «Буталчык», «Көйне таны», бәйгеләрендә катнашты, шулай ук мультимедиалы китаплар саклаучының «Әкиятне таны», «Хатаны төзәт»  биремнәрен башкарды. Бәйгеләрдә катнашкан өчен балалар тылсымлы татлы призлар алды.