Әдәби тамчы (12+)

Яз – елның агачлар уяна, күчмә кошлар кайта торган иң ямьле вакыты. Язгы каникуллар вакытында шәһәр үзәк китапханәсендә үткән «Әдәби тамчы» әдәби-танып белү программасы әлеге ел фасылына багышланды. 

Чара барышында балаларга «Язга дан җырлап» дигән китаплар күргәзмәсе тәкъдим ителде, катнашучылар анда иҗатларында язны һәм башка ел фасылларын сурәтләгән шагыйрь һәм язучыларның әсәрләре белән таныша алды. 
Шуннан соң балалар яз турында викторина сорауларына җавап бирде, әлеге күркәм ел фасылы турында шигъри һәм чәчмә әсәрләрне, халык сынамышларын, әйтемнәрен искә төшерде. Аеруча Петр Ильич Чайковскийның музыкаль әсәрләре мотивлары буенча төшерелгән гаҗәеп матур «Весенние мелодии» дигән иске совет мультфильмы барысына да ошады.