«Ачык һава астында китапханә» җәйге уку залы (0+)

Россия көне якынлашканда, 10 июньдә, «Ачык һава астында китапханә» җәйге уку залы барлык китап сөючеләрне Шәһәр үзәк китапханәсе каршындагы мәйданчыкка чакырды. 
Барлык теләге булганнар өчен «Ватан байрагы — минем куллар белән» дигән иҗади калейдоскоп узды. Кунакларга асфальтта рәсем ясауда катнашырга тәкъдим ителде. Балалар һәм өлкәннәр бергәләп матур рәсемнәр ясады, ә төп символ Россия байрагы булды. Матур, патриотик һәм бик күңелле килеп чыкты. 
Шуннан соң «Укыйбыз, ял итәбез, уйныйбыз!» дигән программа узды. Чарага килүчеләр өчен Россия көненә багышланган китап күргәзмәсе эшләде, шулай ук барлык теләге булганнар өстәл уеннары уйный алды. 

«Россия рәссамнар картиналарында» дигән китап күргәзмәсе аерым кызыксыну уятты. Анда Россиянең күренекле урыннарын сурәтләгән совет һәм россия рәссамнары картиналары тәкъдим ителде. 
Шулай ук китапханәчеләр «Журнал битләре калейдоскобы» дигән исем астында вакытлы матбугат басмаларына күзәтү күргәзмәсе уздырды. Катнашучыларны төрле  журналлардан материаллар белән таныштырдылар, һәм һәркем үзе өчен кызыклы мәгълүмат тапты. Җитди укуны сөючеләрне ачышлар һәм тикшеренүләр турында мәкаләләр көтте, ә ял итәргә теләүчеләр өчен мавыктыргыч тестлар, башваткычлар, юмор һәм мәдәният яңалыклары әзерләнгән иде. Шулай ук яшь укучылар өчен Россиянең милли символлары белән тематик буягычлар тәкъдим ителде. 

Кичә дәвамында «Ал! Укы! Кара!» букрроссингы – бушлай китаплар белән алмашу почмагы эшләде.  
Россия көненә багышланган бәйрәм бик күңелле, күркәм узды һәм барысын да Ватанга карата мәхәббәте белән берләштерде.