«Китапларга ау» квесты (6+)

27 март көнне шәһәр үзәк китапханәсендә «Китапларга ау» дигән мавыктыргыч квест узды! Анда катнашучылар белем дулкыннары буйлап корабта сәяхәт итте. 
Сәяхәт башында «Әдәби экспресс» дигән кызыклы библиокешингта катнаштылар. «Библио» тәрҗемәдә «китеп», ә «кешинг» — «сер». Димәк, библиокешинг — китап хәзинәләре эзләү дигән сүз. Яшь китап сөючеләр Мәче Базилио һәм Төлке Алиса белән бергә табышмаклар һәм ребуслар ярдәмендә яшерен хәзинәгә юл салды. «Әкият әйбере», «Китап сере» бәйгеләрендә катнаштылар, совет мультфильмнарын һәм «Эмодзи» буенча персонажларны таныдылар. Барлык биремнәрне үтәп, алар сандыкта яшерелгән хәзинәне табуга иреште. Ә иң кыйммәтле хәзинә – ул белемнәр сакланучы китап икән. 

«Дөнья буйлар әкиятләр йөри» утравында балалар әкиятләр тылсымына кереп чумды, тасвирлама буенча персонажларны таныды, әсәрләрне атады һәм викторина сорауларына актив җавап бирде. Ватан һәм чит ил язучыларының әкиятләре белән яхшы таныш булуларын күрсәттеләр. 

«Китап дөньясы бигрәк күркәм!» дигән музей сәгате квестта катнашучыларны шәһәребезнең балалар язучылары белән таныштырды. Аеруча Вера Хәмидуллинна, Зөләйха Минһаҗева, Факил Сафин, Елена Степанова, Рәшит Бәшәр, Заһирә Гомәрова, Мансур Сафин һ.б.ларның иҗаты зур кызыксыну уятты. Катнашучылар шәһәр мәктәпләрендә эшләүче әдәби түгәрәкләр турында белде. Музей экспонатлары белән танышканнан соң, балалар язу карасы һәм каләм белән язып карады һәм басу машинасында басты. Укучылар шагыйрь-рәссам, ТРның атказанган сәнгать эшлеклесе Хәмит Латыповның агачтан уеп ясалган панно күргәзмәсен кызыксынып карады. Ул балаларга сәнгать әсәрләрен нинди материалдан, ничек һәм нәрсә белән ясарга мөмкин булуы турында сөйләде. 
«Әдәби ярышлар» дигән уен программасы балаларны әдәби геройлар белән көрәшкә җәлеп итте. Барысы бергәләп «Гуси-лебеди», «Красная шапочка», «Волк и семеро козлят», «Попрыгунья – стрекоза» һәм «Цепи кованые» әкиятләре буенча хәрәкәтчән уеннар уйнады.
Барлык катнашучылар бик күп уңай хис-кичерешләр һәм яхшы кәеф алды!