«Минем шәһәрем – Яр Чаллы» квест-уены (0+)

27 мартта 23 нче санлы китапханәдә балалар бакчасы тәрбиячеләре белән берлектә мәктәпкәчә яшьтәге балалар өчен «Минем шәһәрем – Яр Чаллы» дигән квест-уен үткәрелде.
Балалар, китапханәдән чыкмыйча, «шәһәр» буйлап мавыктыргыч сәяхәткә юл тотты. Квестның һәр станциясе Чаллы шәһәренең билгеле бер күренешенә багышланды. 

Яшь укучылар кызыксынып «Тарихи бит», «Архитектур табышмаклар», «Табигый хәзинәләр», «Мәдәни мозаика», һәм «Иҗади остаханә» кебек станцияләрне үтте, соңгысында нәниләр, шәһәр белән бәйле рәсемнәр һәм аппликацияләр ясап, үз талантларын күрсәтә алды.