«Акыл хәзинәсе»: квест-уен (6+)

Каникуллар – яңа хис-кичерешләр, танышулар һәм ачышлар вакыты! Һәркем каникулларның күңелле, кызыклы һәм үзенчәлекле узуын тели. Шунлыктан шәһәр үзәк китапханәсендә балаларны «Акыл хәзинәсе» дигән кызыклы һәм мавыктыргыч квест-уенда катнашырга чакырдылар.

4 командага бүленеп һәм маршрут карталары алып, балалар азарт белән уенга кушылды. Һәр команданың маршруты китапханәнең төрле зоналары – уен һәм уку залларында узды. Малайлар һәм кызлар төрле бәйгеләрдә актив катнашты: әдәби сорауларга җавап бирде, хәзинә эзләде, «Күк-Җир» уенын уйнады, «Төнге рәссам» пунктында рәсем ясады. Катнашучыларның биремнәрне башкару тизлеге һәм төгәллеге генә түгел, ә командаларның бердәмлеге дә бәяләнде, чөнки ярышлар вакытында бер-береңә ярдәм итә белү – җиңүгә ирешүдә иң мөһим сыйфатларның берсе. 

Барлык сынауларны яхшы итеп үткән команда җиңүче дип танылды. Көлү авазлары, җиңү шатлыгы, яхшы кәеф әлеге программаны башыннан ахырына кадәр озата барды.