«Шәһәр картасында якташлар» туган якны өйрәнү панорамасы (12+)

22 март көнне 15 нче санлы китапханәнең «Чишмә» аралашу клубында «Шәһәр картасында якташлар» дигән туган якны өйрәнү панорамасы үткәрелде. 
Чара барышында шәһәребез төзелеше тарихын искә төшерделәр һәм «Без Чаллы турында нәрсә беләбез?» викторинасы сорауларына җавап бирделәр. Китапханәче шәһәр тарихына батырлыклары һәм геройлыклары белән кереп калган якташлар турында сөйләде. Очрашу җанлы, интерактив әңгәмә формасында узды. 

Чарада клублылар исемнәре белән шәһәребез урамнары аталган кешеләр турында бик күп яңа һәм кызыклы мәгълүмат белде, чөнки һәр атама – ул кемнең дә булса язмышы яки героик батырлыгы. Ә үзеңнең туып-үскән, туганнарың һәм якыннарың яши торган төбәгеңне белү һәм ярату – безнең һәрберебезнең изге бурычы.