«Чаллы нәрсәләр белән данлы» туган якны өйрәнү уен-викторинасы (6+)

10 августта Чаллы шәһәре көне билгеләп үтелә. Аны бәйрәм итү кысаларында, 15 август көнне, 13 нче санлы китапханәдә кече һәм урта яшьтәге балалар өчен туган якны өйрәнү уен-викторинасы уздырылды. 
Туган якны өйрәнү туган якка, туган-үскән җиребезгә карата мәхәббәт тәрбияләүче юнәлеш буларак, беркайчан да үзенең актуальлеген югалтмас.

Балалар үзләренең кече Ватаннары турында тагын да күбрәк кызыклы мәгълүмат алды. Чарада катнашучылар шәһәр тарихыннан кызыклы фактларны белде, һәм шулай ук «шәһәр төрле елларда ничек аталган», «шәһәр урамнары кем исеме хөрмәтенә аталган» кебек сорауларга җавап биреп, үз белемнәрен тикшереп карый, шәһәрнең һәйкәлләрен һәм истәлекле урыннарын искә төшерә алды. Аеруча балаларның шәһәр тарихын, күренекле урыннарын яхшы белүе белән бергә, яңа мәгълүматны да кызыксынып кабул итүе куандырды.