«Яшәгән ди, булган ди бер гаилә»: бәйге-уен программасы (6+)

14 май көнне 10 нчы санлы китапханәдә Халыкара гаилә көне уңаеннан бәйге-уен программасы үтте. 

Китапханәнең уку залында уңайлы шартлар, өйдәгечә җылы атмосфера тудырылды. «Минем йорт – минем кирмән» дигән кечкенә генә күргәзмә, чәчәкләр гөлләмәсе, электрон презентация – барысы да чын күңелдән аралашу әңгәмәсенә тартып торды. 

Кереш өлештә китапханәче балалар һәм аларның ата-аналарына бәйрәмнең килеп чыгу тарихы, гаилә кыйммәтләре һәм туганнар, якыннарны берләштерүче матур гореф-гадәтләрне үтәү турында сөйләде. 

Шуннан соң бәйрәм кунаклары «Акыллылар» һәм «Белгечләр» дигән ике гаилә командасына бүленде. Программаның күңел ачу өлешендә балаларга һәм аларның әниләренә «Гаилә лотосы», «Маҗаралар», «Аңлатмалар» һәм «Әкиятләр» кебек бәйгеләрдә катнашырга туры килде. «Яхшылыкны түгәрәк буенча тапшыр», «Балык, кап!», «Кыстыргычлар» һ.б. күңелле уеннарда катнашып, командалар җитезлекләрен, тизлекләрен һәм тапкырлыкларын күрсәтә алды. Барысы да бик теләп «Китап геройлары гаиләләре» мини-викторинасы сорауларына җавап бирде.

Барлык катнашучылар аралашудан зур канәгатьлек һәм истәлек өчен кечкенә генә бүләкләр алды. Бетмәс-төкәнмәс эш һәм мәшәкатьләргә карамастан, гаиләләрнең вакыт табып китапханәгә килүенә, бәйрәмнең онытылмас мизгелләргә бай булуына һәм уңышлы узуына без бик шат!