«Солдатлар, афәрин, егетләр» бәйге-уен программасы (6+)

22 февраль көнне Үзәк балалар модель китапханәсендә «Солдатлар, афәрин, егетләр» бәйге-уен программасы үтте.
Балалар Ватанны саклаучылар көненең килеп чыгу тарихы турында белде, безнең хәзерге армия турында патриотик видеоязманы карады. Кызлардан котлау иң күңелле мизгелләрдән булды: алар малайлар өчен шигырьләр укыды, җыр башкарды. 

Укучылар ике командага бүленде, безнең малайларның нинди кыю, җитез һәм оста булуын сынап карау өчен, төрле биремнәр һәм бәйгеләр әзерләнгән иде, алар викторина сорауларына җавап бирде һәм хәрби темага табышмаклар чиште.  
Балалар һәр бәйгедә актив катнашып, үз командаларына җиңү баллары эшләде. Кызлар, алар өчен җан атып, төрлечә булышырга тырышты. Чара «Каша из топора» мультфильмын карау белән тәмамланды.