«Табигать паркы» компьютер мастер-классы (6+)

22 апрель Үзәк балалар модель китапханәсендә Халыкара Җир планетасы көненә багышланган «Табигать паркы» дигән компьютер мастер-классы узды. 
Балалар үзләренә ошаган табигать күренешләрен сайлап алды, анда хайваннар һәм балыкларны урнаштырды, исемнәрен язып куйды. 
Укучылар Microsoft PowerPoint программасын куллану буенча башлангыч күнекмәләр алды, Рунет челтәрендә хайван рәсемнәрен ничек компьютерга сакларга, аларның фонын бетереп, программага ничек куярга икәнлеген белде. 
Теләге булганнар компьютерда ясалган табигать паркын үзләренең флеш-карталарына саклап кала алды.