«Пётр I – һәрвакыт беренче!»: тарихи портрет (12+)

Петр I нең тууына 350 ел тулу уңаеннан, 16 нчы санлы китапханә урта мәктәп яшендәге балалар өчен «Пётр I – һәрвакыт беренче!» дигән тарихи портрет әзерләде. Император Бөек Петр шәхесе һәрвакыт бер яктан соклану тудыра, икенче яктан кискен тәнкыйть утына тотыла һәм тарихчылар, язучылар өчен бәхәс темасы да булып кала. Кем соң ул Петр? Очрашуда катнашучылар шуны ачыкларга тырышты.

Китапханәче үз чыгышын Романовлар нәселенең килеп чыгу тарихыннан башлады, балаларга Петр Алексеевичның ата-анасы, булачак патшаның балачагы, яшь-җилкенчәк Петрның сугышлы уйнавы, чит илләргә сәяхәт итүләре һәм Петр патшалык иткәндә Россиянең зур үзгәрешләр кичерүе һәм дәүләт тормышының  бар якларында үзгәртеп корулар барлыкка килүе турында сөйләде. 

Укучылар Пётрның россия флоты һәм Санкт-Петербург каласы төзелешен үзенең иң төп эшләре дип санавы турында белде. Беренче императорга иң танылган һәйкәл дә нәкъ менә шушы шәһәрдә урнашкан.

Петр замандашларының истәлекләре белән танышканнан соң, чарага килүчеләр реформачы патшаның характеры бик авыр һәм катлаулы, әмма шунысы да хак: Петр I гаҗәеп үзенчәлекле шәхес булган дигән нәтиҗә ясады. 

Чара азагында яшүсмерләр Петр шәхесе турында «Бөек Петр Беренче» видеоязмасын карады.

Поделиться: