«Яр Чаллы. Вакыт тасмасы» тарихи экскурсы (6+)

15 июньдә Үзәк балалар модель китапханәсендә Чаллы шәһәренең еллык юбилеена һәм беренче «КамАЗ» йөк автомобиле чыгарылуга  ел булуга багышланган «Яр Чаллы. Вакыт тасмасы» дигән тарихи экскурс узды. Мәктәп яны лагерена йөрхче балалар Чаллы тарихының төрле чорлары белән бәйле тарихи фактлар белән танышты. Алар төп этаплар – авылга нигез салыну, сәүдәгәрлек үсеше, совет чорында сәнәгатьчелек үсеш алуы һәм ярты миллионлык шәһәргә әйләнүе турында белде. 

Панорамалы төрләрне интерактив чагыштыру кызыклы булды: балалар гаҗәпләнеп иске кадрларда үзләренә таныш урамнарны һәм биналарны тапты, шәһәрнең кыяфәте ничек зур үзгәрешләр кичерүен һәм агач өйләр урынында заманча мәһабәт йортлар үсеп чыгуын билгеләп үтте. Үткәнне һәм бүгенгене чагыштырып, балалар гадәти пейзажларга яңача күз сала һәм, үзләрен әлеге бөек тарихның дәвамчылары икәнлеген аңлап, үз шәһәрләре өчен горурлык хисен тоя алды.