«Бөек Сталинград сугышы»: тарихи альманах (6+)

2 февраль көнне 5 нче санлы китапханәдә, «200 минут уку: Сталинградка багышлана» Бөтенроссия акциясе кысаларында, Сталинград сугышында Җиңүнең 80 еллыгына багышланган «Бөек Сталинград сугышы» дигән тарихи альманах үткәрелде. 

Алып баручы халкыбыз тарихындагы иң героик битләрнең берсе Сталинград сугышы барышы белән таныштырды, 200 көнгә сузылган Сталинград сугышының Бөек Җиңүгә илтүче башлангыч булсын өчен барысын да эшләгән совет кешеләренең батырлыгы һәм кыюлыгы турында сөйләде. Балалар зур кызыксыну белән «Сталинград сугышы», «Сталинградны азат итү» архив видеохроникаларын карады. Тарих сугыш геройлары исемнәрен саклаган, һәм акциядә катнашучылар хәрби диңгезче Михаил Паниках, элемтәче Матвей Путилов һәм тарихка «утыз өч батырлыгы» буларак кереп калган 33 сугышчының үлмәс батырлыгы турында белде – аларның батырлыклары халык күңелендә мәңге сакланыр. Совинформбюроның 1943 елның 2 февралендә Сталинград сугышында Җиңү турында хәбәре аудиоязмасын ишеттеләр, Мамай Курганындагы мемориаль комплекс буенча виртуаль сәяхәт кылдылар, Павловның батырлар йорты турында белделәр. Катнашучыларга Сталинград сугышы турында китапларга күзәтү үткәрелде. Сталинград янында сугышчыларыбызның каһарманлыгы бик күп язучыларга, шагыйрьләргә илһам бирде, алар бу батырлыкларны үз әсәрләрендә мәңгеләштерде. Ул вакытлардан соң инде 80 ел узган, әмма вакыт – үткәннәр турында онытырга сәбәп түгел.