«Язгы күңел ачулар» интеллектуаль уены (6+)

1 апрельдә Шәһәр үзәк китапханәсе хезмәткәрләре балалар өчен мавыктыргыч чара уздырды. 
Яз – кошлар җылы яклардан кайта торган, кышкы йокыларыннан үсемлекләр уяна торган һәм көннәр җылыта торган иң гүзәл чор.

Чарада балалар күчмә кошлар турында кызыклы фактларны белде, язгы сынамышлар белән танышты, кораблар ясау ысулларын искә төшерде. Балаларны бик мавыктыргыч бәйгеләр көтте – мәктәп укучылары бик актив уйнады, эстафеталарда катнашты, аларны язгы кәеф биләп алган иде. 
Чара азагында балалар иҗатка кагылды: кызыклы кул эшләнмәсе – язгы филне ясады һәм аны матур наклейкалар белән бизәде.