«Шул сугыш, шул җиңү турында» интеллектуаль уены (12+)

19 ноябрьдә шәһәр үзәк китапханәсе хезмәткәрләре студентлар өчен Бөек Ватан сугышында Җиңүнең 80 еллыгына багышланган «Шул сугыш, шул җиңү турында» дигән интеллектуаль уен үткәрде. 
Уен «Күнегүләр», «Ребуслар», «Плакатлар», «Картиналар», «Һәйкәлләр», «Җиңү җырлары» дигән алты раундтан торды. Балаларга билгеле бер вакыт эчендә сорауларга дөрес җавап бирергә кирәк булды. 

Чарада катнашучылар сугышның төп вакыйгаларын искә төшерде, тапкырлыкларын, командада эшли белүләрен күрсәтте. 
Чара азагында укучылар «Батырлык.Кыюлык.Намус» күргәзмәсендә тәкъдим ителгән китаплар белән танышты.