«Эрудитлар көрәше» интеллект-викторина (12+)

29 март көнне 16 нчы санлы китапханә өлкән сыйныф укучылары өчен «Эрудитлар көрәше» дигән интеллект-викторина уздырды. Катнашучылар командаларга бүленде, уен дәвамында аларга төрле белем өлкәләренә караган сорауларга җавап бирергә кирәк булды. Балалар бөек һәм мөһим вакыйгалар, тарихи шәхесләр, истәлекле көннәр һәм фәнни ачышлар турында белемнәрен күрсәтә алды. Укучылар чиратлап сорауларга җавап бирде, ә алып баручы һәр дөрес җавапка видеоөзекләр күрсәтте.

Шул рәвешле, уенчылар Аристотельның кайсы танылган полководецның укытучысы булуы, Бөек кытай диварына кем нигез салуы, беренче мисыр пирамидасы кайчан төзелүе һ.б. турында белде. Чара азагында һәр команданың баллары саналды. Барлык катнашучылар татлы бүләкләр, шулай ук көн буена җитәрлек күтәренке кәеф һәм уңай хис-кичерешләр алды!