«Балачакның якты буяулары» уен программасы (0+)

1 июньдә, Халыкара балаларны яклау көнендә, 1 нче санлы Мәгълүмати-китапханә үзәге Гренада паркында «Балачакның якты буяулары» дигән уен программасы уздырды. Җылы кояшлы көн, күңелле музыка, балаларның шатлыклы елмаюлары — елның иң игелекле һәм матур көненә багышланган чара шулай башланды.

Бу көнне Гренада паркының әдәби утраучыгы яшь кунаклар өчен чын могҗизалар иленә әверелде. Балаларны мавыктыргыч күңел ачулар көтте: хәрәкәтчән уеннар һәм эстафеталар, «Сер тулы капчык», «Максатка тидер», «Буталчык», «Баш өстеннән тупны бир», «Йөзекләр тотучы», «Төз атучы» кебек кызыклы бәйгеләр. Катнашучылар бик теләп әкият табышмакларын чиште, пазллар җыйды, төсле акбурлар белән күңелле һәм якты җәй рәсемен асфальтта ясады. Бәйрәм барысына да онытылмас матур хис-кичерешләр бүләк итте.