«Күңелле Сабантуй» уен программасы (6+)

10 июньдә Үзәк балалар модель китапханәсе мәктәп яны лагере  балалары өчен  «Күңелле Сабантуй» дигән уен программасы уздырды. 
Бүген балалар яраткан татар халык бәйрәме Сабантуйны бәйрәм итүнең кызыклы гореф-гадәтләре турында мәгълүмат алды һәм күңелле сынауларда катнашты. 
Командаларга бүленеп, катнашучылар «Аркан-батыр» ярышында аркан тартышты, «Капчык марафоны»нда билгеле бер араны үтте, «Җитез егет» уенында агач атка атланып сикерде, күзләрне бәйләгән килеш балчык чүлмәкне ватты һәм «Йомырка белән йөгерү» эстафетасында йөгерде.
Балалар Сабантуе бик шәп үтте, яшь кунаклар көне буена җитәрлек яхшы кәеф һәм энергия туплады.