«Безнең күңелле Сабантуй» уен программасы (6+)

11 июньдә Үзәк балалар модель китапханәсе «Безнең күңелле Сабантуй» дигән уен программасы уздырды.

Балаларны күңелле Сабантуйны бергәләп үткәрү өчен яраткан халык әкиятләре геройлары зирәк Су Анасы, шук Шүрәле һәм шаян Былтыр каршы алды.
Борынгы милли тантананың тарихы һәм гореф-гадәтләре белән танышу мавыктыргыч маҗараларның башы гына булды. Катнашучыларны шатлык һәм азарт белән тулы кызыклы бәйгеләр көтте: «Аркан тартышу», «Капчык киеп йөгерү», «Кашыкка йомырка куеп йөгерү», «Чабышлар» һәм «Чүмәкне ват».
Барысы да, гадел һәм лаеклы җиңүгә ирешергә омтылып, бер-берләренә ярдәм итеп һәм иптәшләренең һәр уңышларына сөенеп, бәйрәмдә активлык күрсәтте. 

#летовТатарстане