«Китап аюлары, аю китаплары»: уен программасы (6+)

Аю баласы турында гади дүртьюллык: «Уронили мишку на пол…» һәркемгә балачактан таныш. Кара урманнарда яшәүче йонлач аю һәрвакыт нәниләрнең яраткан әкият персонажы булды. 

13 декабрь көнне шәһәр Үзәк китапханәсенең балалар белән массакүләм эш бүлеге яшь китап сөючеләрне «Китап аюлары, аю китаплары» дигән уен программасына чакырды. Балалар аюлар турында китаплар белән танышты, бу урман җәнлеге турында китаплар китапханәдә күпме булуы турында белде.

Китаптагы аю – һәрвакыт матур, ул акыллы һәм зирәк булмаса да, гадәттә килбәтсез, акрын кыймылдаучы, туңбаш, әмма балалар аны ярата. Нәкъ менә ул очрашуның төп герое булды! Аңа ярдәмгә Маша исемле кыз килде, һәм алар бергә китапханәнең яшь укучыларын тылсымлы КИТАП дөньясына озатты. 

Катнашучылар өчен рус халык һәм автор әкиятләрендә аю образы, рус рәсем сәнгатендә аю сурәте, халык кәсепләрендә аю образын куллану, рус символларында аю образы кадрларыннан торган мультимедиалы презентация тәкъдим ителде.

Миша һәм Маша «Әкиятне искә төшер», «Аю нәрсә ярата?», «Аю өчен күчтәнәч» уены, шулай ук  «Урманда аюда кунакта» уен-сюрпризы уздырды, анда балалар «нарат күркәсе җыю», «нарат күркәсе-дартсы», «нарат күркәсе сөючеләр» уеннарын уйнады. «Әкияти» викторинасындагы табышмакларны да әйләнеп узмадылар.

Килбәтсез китап герое белән очрашу яшь китап сөючеләр өчен дустанә, җылы рухы һәм, әлбәттә, кызыклы китаплары белән истә калачак.