«Безнең ишегалдында» уен программасы (6+)

7 август көнне 17 нче санлы китапханә хезмәткәрләре микрорайонда яшәүчеләр өчен чара уздырды. Программа 51/04 йорты каршындагы мәйданчыкта үткәрелде.
Чара барышында балалар бик теләп «Әдәби геройны таны» дигән танып белү уенында, төрле бәйгеләрдә катнашты, үзләренең көчләрен, җитезлекләрен һәм тапкырлыкларын күрсәтте. 

Йорт каршындагы мәйданчыкта китаплар белән алмашу оештырылды – теләге булган һәркем үзе укыган китапны алып килә, һәм шулай ук күңеленә хуш килгәнен өенә алып китә алды. Чара кунаклары бик теләп китаплар сайлады, таныш тышлыкларны, сюжетларны һәм яраткан китап геройларын сагынып искә алды.
Барысы да вакытларын күңелле итеп уздырды. Яхшы кәеф, шатлык авазлары яңгырап торды. Барысы да җәй көне кирәкле уңай тәэсирләр алды!