«Май чабуда күңел ачу»: фольклор бәйрәме (6+)

Халык сәнгате һәм Россия халыкларының материаль булмаган мирасы елы кысаларында, 3 март көнне 13 нче санлы китапханә «Ремжилстрой» Идарә Компаниясе ҖЧҖе һәм «Светлый» җирле иҗтимагый үзидарәсе тарафыннан оештырылган һәм кышны озату бәйрәменә багышланган «Май чабуда күңел ачу»ларда катнашты.

«Ремжилстрой» идарә компаниясенең башкарма директоры С.А.Родин шәһәребезнең 25 нче микрорайонында яшәүчеләрне бәйрәм белән котлады. Чарада, шатлык, күңел ачу һәм шаяру кәефе тудырып, күңелле халык җырлары яңгырады; уен һәм бәйгеләр оештырылды, җырлар җырланды, теләге булган һәркем «Май чабу викторинасы»нда катнаша алды. 
Шулай ук борынгы йола турында искә төшерделәр, Май чабуны бәйрәм итүнең барлыкка килү тарихы һәм гореф-гадәтләре белән таныштылар, май чабу атнасының һәр көненең мәгънәсен белделәр.  «Эврика» шәһәр мәдәни үзәге солистлары һәм алып баручылары шигырьләре, җырлары, биюләре, матур киемнәре белән чын күңел ачу бәйрәме ясады. Шәһәрнең «көмеш волонтерлары» май чабу курчагы ясау буенча мастер-класс үткәрде. «Ремжилстрой» идарә компаниясе бәйрәм кунакларын белен һәм татлы ризыклар, кайнар чәй белән сыйлады.