«Китап белән изге юлга» экскурсиясе (6+)

27 мартта Балалар һәм яшүсмерләр китабы атналыгы кысаларында Үзәк балалар модель китапханәсендә «Китап белән изге юлга» дигән экскурсия узды. Бу чара яшь кунаклар өчен чын бәйрәм булды, алар тәүге тапкыр заманча китапханә киңлеге һәм аның мөмкинлекләре белән танышты. 
Балалар, иң беренче китапларның нинди булганын һәм гасырлар дәвамында аларның ничек үзгәрүен белер өчен, вакыт эчендә сәяхәткә юл тотты. Алар зур кызыксыну белән кулъязма фолиантларның ничек ясалуы, китап бастыруның ничек барлыкка килүе һәм хәзерге басмаларның нинди булуы турында сөйләгәнне тыңлады. 

Шаян һәм сөйкемле Ириска белән бергә балалар азарт белән әдәби викторина сорауларына җавап биреп, үзләренең белемнәрен күрсәтте, әкиятләргә һәм балалар язучылары әсәрләренә багышланган күңелле уеннарда актив катнашты. Яраткан балалар җыры астында дәртле биюләр шатлык рухын тагын да тулыландырды. 
Тизрәк кулга алып укырга кызыкытырып торучы яңа, матур иллюстрацияләр белән китаплар белән тулы киштәләрне караганда, балаларның сокланудан күзләре балкып торды.