«Безгә балалар Җир йөзендәге бар нәрсә турында белергә дип килә» экскурсиясе (6+)

21 май көнне 5 нче санлы китапханәдә Бөтенроссия китапханәләр көненә багышланган экскурсия оештырылды. Китапханәче китапханәләрнең төзелеше турында сөйләде, балаларны «китапханә», «абонемент», «уку залы», «формуляр» дигән яңа сүзләр белән таныштырды. Шулай ук балалар китапханәдә үз-үзеңне тоту кагыйдәләре, һәм китапны ничек дөрес кулланырга икәнлеге, аны өйгә алып кайтып уку һәм кире кайтару өчен нәрсәләр эшләргә кирәклеге турында белде. 

Яшь укучылар күптөрле китапларны – зур энциклопедияләрдән алып балалар журналларына кадәр, өлкән сыйныф укучылары өчен «таза» китаплардан алып нәни китапларга кадәр күрде. «Әкиятне таны» викторинасы барышында балалар әкият геройларын һәм әсәр авторларын искә төшерде. Китапханә кунаклары бик теләп табышмаклар чиште, әкият геройлары белән китапларны карады. Экскурсия азагында балалар бик шатланып китапханә турында тематик роликны карады.