«Китапханәгә рәхим итегез» экскурсиясе (6+)

1-2 нче сыйныф укучылары — язгы каникуллар вакытында 13 нче санлы китапханәнең көтеп алган кунаклары. Беренче сыйныфлылар инде яхшы итеп укый, ә икенче сыйныфлылар яңа белемнәр тупларга экскурсиягә килә. «Библиограф» һөнәре турында сөйләгән икенче сыйныф укучылары үз белемнәре белән шаккатырды. Әлеге һөнәр турында алар әйләнә-тирә дөнья буенча белем бирү программасын үзләштерү барышында белде. Ә китапханәче үз чиратында китапның барлыкка килү тарихы буенча кызыклы фактларны сөйләде һәм папирусны күрсәтте.

Икенче сыйныфлыларга гамәли бирем тәкъдим ителде: киштәдә китапның урынын табарга. Китапханәче ни өчен һәркөнне укырга кирәклеге турында сөйләде. Шулай ук балалар «Әкиятләр һәм әкият геройлары» һәм «Әкияти смайллар» интерактив викториналарында катнашты, әкиятләрне бутаган ашыгучы Керпенең хаталарын төзәтергә ярдәм итте. Бу чарада балалар бик күп яңа төшенчәләр белән танышты: «укучы формуляры», «китапларны куллану кагыйдәләре», «китап фонды», «ни өчен укырга кирәк» һ.б.