«Хатынь: Белоруссиянең куркыныч фаҗигасе» тарихка экскурс (12+)

23 мартта 5 нче санлы китапханәдә «Буыннар хәтере: тарих битләре» программасы кысаларында укучылар өчен «Хатынь: Белоруссиянең куркыныч фаҗигасе» дигән тарихка экскурс үтте. Балаларга Бөек Ватан сугышы вакытында белорус җирендә булган фаҗигале вакыйгалар турында сөйләделәр. 22 март — Хатынь фаҗигасе корбаннарын искә алу көне. Бу көнне, 1943 елның 22 мартында, 26 йорттан торган белорус авылы немец-фашист җәзалаучылары отряды тарафыннан тулысынча юк ителә. Аның бар халкы — картлар, хатын-кызлар, балалар — тереләй яндырып яки атып үтерелә.

Чарада катнашучылар Алесь Адамовичның «Хатынская повесть» әсәре белән танышты. Режиссер Элем Климовның «Иди и смотри» дигән тетрәндергеч фильмына нигез булган әлеге китап сугышны балалар күзлегеннән, аның рәхимсезлеккә һәм җимерүгә карата яшенә туры килмәгән зурларча карашын күрсәтә. Фильмнан күрсәтелгән өзәкләр катнашучыларга, нәзберек кеше тормышы турында уйланырга мәҗбүр итеп, геройларның барлык кичерешләрен җиткерде. Чара азагында балалар «Хатынь» мемориаль комплексы барлыкка килү тарихы белән танышты. Һәр укучы корбаннарны искә алуның кайгы гына түгел, ә һәлак булучыларга хөрмәт күрсәтү, һәм киләчәк буынга кисәтү дә икәнен аңлый.