«Өенә ашыгучы нәни кырмыска»: экосәяхәт (0+)

10 февраль көнне 10 нчы санлы китапханә мәктәпкәчә яшьтәге балаларны экосәяхәткә чакырды.

Балалар сәяхәт итәргә ярата, шунлыктан нәни кырмысканың өенә кайту юлын тасвирлаучы В. Бианканың «Как муравьишка домой спешил» әкияте барысына да ошады.
Адашкан геройның өенә юлы озак һәм киртәләр белән тулы. Яшь китап сөючеләр нәни кырмыска белән бергә өенә кайта торган юлны үтте һәм аның ярдәмчеләре турында бик күп кызыклы нәрсәләр белде. Алар күптөрле кызыклы бөҗәкләр белән танышты.