«Безнең өй. Артык берни дә юк»: экологик әңгәмә (6+)

«Иртән торып юындың, үзеңне тәртипкә китердең – һәм шунда ук үз планетаңда да тәртип яса», – Антуан де Сент-Экзюпериның танылган «Маленький принц» әкиятендәге әлеге сүзләрне күпләрнең ишеткәне бар, әмма аның мәгънәсен һәм әһәмиятен кайберәүләр генә тулысынча аңлый.  

Кече яшьтәге мәктәп балаларына бу танылган сүзләрнең мәгънәсен аңлау мөмкинлеге туды: 21 апрельдә 16 нчы санлы китапханә алар өчен «Безнең өй. Артык берни дә юк» дигән экологик әңгәмә үткәрде. Чара барышында балалар 21 нче гасырның экологик проблемалары һәм планетабызның чүпләнү-пычрану күләме турында презентация карадылар. Карточкалар ярдәмендә укучылар «Йортыбызның экологик гадәтләре» уенында катнашты, ул нинди файдалы гадәтләр һәм өебездәге әйберләр табигый байлыкларны, суның, һаваның һәм туфракның чисталыгын сакларга ярдәм итүе турында мәгълүмат бирде.
Экологик әңгәмә азагында балалар «Планетага ярдәм итәр өчен, мин нәрсә эшли алам?» дигән темага фикер алышты һәм Җир – ул безнең уртак йортыбыз, аны сакларга һәм яратырга кирәк, дигән нәтиҗә ясадылар.